Additional links:
 

Register for an Area of Success


Contact us

Donate

Social projects HopeAruba:
 

Cas Speransa Nobo

Goshen Aruba

Social Inspiration LAB

Connect with HopeAruba

  • YouTube Social  Icon
HopeAruba Movement | E: info@hopearuba.org | T: 297 5828787 | M: 297 5949052 | www.hopearuba.org  
© 2017 -  2019 HopeAruba Movement 

TOCANTE NOS

HopeAruba - E Movemento

Un movemento nacional pa Sinergia Civico. E abreviacion H.O.P.E. ta para pa e palabranan: Honor, Oportunidad, Productividad y Excelencia. E ta trata di ciudadanonan Honorabel, cu ta haci uzo di cada Oportunidad pa haci bon, cu ta Productivo pa e bienestar di nos nacion y cu tin un standard di Excelencia den tur cos cu nan haci.

Declaracion di Vision HopeAruba:

Individuonan bon informa y podera, famianan y comunidadnan cu ta obra hunto, ta uza nan bos y potencial pa produci solucionnan pa bienestar colectivo.

 

Declaracion di Mision HopeAruba:

Pa envolve y conecta individuonan pa participa den transformacion nacional.

HopeAruba ta un plataforma civico funda pa trece cambio riba nos isla pa medio di dialogo y contribucion personal cu lo hiba na ‘solucionnan colectivo’ cu lo duna vision, structura y accionnan practico pa e bienestar di nos pais.

Funda pa Lisette M. Malmberg, un Empresario local, Lider Spiritual y Activista Social Arubano, hunto cu un grupo di ciudadanonan cu no tin un cargo politico. E grupo aki a bini hunto pa mira con nan por yuda trece transformacion national.  E prome cos cu nan a realiza ta cu prosperidad berdadero ta mas cu material.

Lesa Lisette M. Malmberg su biografia AKI:

Prosperidad pleno ta caracteriza den 5 area:

  1. Relacional,

  2. Fisico,

  3. Emocional/Mental,

  4. Spiritual y

  5. Financiero.

Basa riba e definicion di prosperidad aki, HopeAruba lo desaroya iniciativanan riba un plataforma colaborativo. E logronan lo wordo midi den cinco Area di Exito: Individual, Famia, Comunidad,  Nacion y Balornan.

Retonan social

Nos pais a prospera den hopi sentido, desafortunadamente e prosperidad aki no a wordo bon maneha of balansa y tin mas retonan social cu nunca, manera divorcio, violencia domestico, maltrato di mucha, adiccion na substancia, un tasa de abandono escolar di scol secundario halto entre nos hobennan, crimen, etc.

Nos debenan nacional, nos debenan personal, tur e cosnan aki ta hoga nos potencial, nos bos. Sin cu nos ripara, nos nacion ta bayendo den un rumbo. Esaki ta e rumbo cu ta bay hiba nos na prosperidad? Nos tur tin un bos, nos tur lo biba cu e resultadonan di nos accion of inaccion. P’esey, un plataforma civico.
 

Un plataforma di colaboracion
Si nos crea un plataforma caminda hendenan ta sinti nan mes sigur cu nan por participa, duna nan ideanan caminda nan strategianan ta bon bini, nos na HopeAruba ta kere cu nos por crea un futuro diferente. Semper den historia di mundo ora cambionan social impactante a tuma luga, tawatin un grupo di hende cu a bini hunto y a bisa; ‘nos por trece e cambio cu nos ta desea di mira.'

Nos tin cu lanta den un diferente plataforma. Nos no por sigui haci e mesun cosnan cu semper nos a haci y spera un diferente resultado. Nos cada un mester tuma nos parti, nos responsabilidad.

 

Parti di e vision di HopeAruba cu ya a bira un realidad ta e Centro di Rehabilitacion - Cas Speransa Nobo, cu recientemente a habri su portanan na Alto Vista. E iniciativa aki ta un prome fruta di e plataforma colaborativo di HopeAruba Movemento.

 

E Movemento ta wordo carga dor di dos pilar importante:

Pilar 1: Negoshinan y empresanan social, kende nan ganashi ta bay pa sostene proyectonan social, e.g. Goshen Sustainable Development Corporation VBA.
Pilar 2: HopeAruba Fundacion Restauracion – e organisacion atravez di cual proyectonan social por wordo realiza den un forma colaborativo cu partnernan local y internacional, manera e caso cu Cas Speransa Nobo.

Invitacion pa sinergia
Nos kier invitabo pa uni bo mes na e plataforma colaborativo aki. Uniendo bo mes na e Movemento HopeAruba, abo hunto cu tur otro “Embahador di HOPE”, lo tin un bos pa expresa bo ideanan, preocupacionnan y sugerencianan.

Solamente den e tipo di sinergia aki - Hunto como UN Famia HopeAruba - nos lo yega na e ‘formacion di solucionnan colectivo’ cu ta sano, fuerte y crea door di ciudadano pa beneficia cada ciudadano – individual y colectivo, y asina ta contribuyentenan na e progreso di nos nacion.

Si bo ta comparti e vision aki, e lo hiba bo na:

1.    Transformacion personal;

2.    Progreso den e bienestar di bo famia;

3.    Un sentido di union y colaboracion den nos comunidad;

4.    Prosperidad den tur area di nos nacion y

5.    Un lenguahe comun di balornan cu ta identifica nos como yiunan di e tera aki.