Additional links:
 

Register for an Area of Success


Contact us

Donate

Social projects HopeAruba:
 

Cas Speransa Nobo

Goshen Aruba

Social Inspiration LAB

Connect with HopeAruba

  • YouTube Social  Icon
HopeAruba Movement | E: info@hopearuba.org | T: 297 5828787 | M: 297 5949052 | www.hopearuba.org  
© 2017 -  2019 HopeAruba Movement 
Please reload

Recent Posts

Apertura "Cas Speransa Nobo"

June 23, 2017

1/1
Please reload

Featured Posts

Apertura "Cas Speransa Nobo"

June 23, 2017

 

Alto Vista, NOORD - Recientemente dia 23 di Juni 2017, a tuma lugar apertura oficial di centro di rehabilitacion nobo, Cas Speransa Nobo. Un centro di rehabilitacion dedica na yuda esnan cu ta adicto na substancia vence nan adiccionnan y haya proposito den bida.

 

Cas Speransa Nobo ta e prome proyecto social di HopeAruba Fundacion Restauracion, un fundacion funda pa empresario local, Lisette M. Malmberg.

 

Lisette Malmberg, Presidente HopeAruba Fundacion Restauracion

 

Cas Speransa Nobo a nace for di un preocupacion cu a cuminsa casi binti aña pasa ora cu un bon amigo, Sr. Ramiro Richards, kende tawata adicto na droga pa casi 15 aña y a haya ayuda na Hulanda, a puntrele pa join e den un esfuerzo pa trece ayuda pa personanan den e problematica aki na Aruba.

 

Asina, na aña 1996 Sra. Malmberg hunto cu un grupo chikito a uni den un Stichting yama Speransa Nobo. E idea tawata pa traha hunto cu “De Hoop” for di Dordrecht, Hulanda cu e vision pa un dia tin un centro di rehabibilacion unda lo por yuda e personanan aki.

 

Pastor Ramiro Richards
Iglesia Baranka di Restorashon, Boneiro
Ex Adicto na Substancia pa 15 aña

 

Durante e tempo ey no tawatin e fondo necesario pa ofrece esnan adicto na substancia un luga pa biba pero a cuminsa cu un trabou comunitario di alimenta esnan bibando riba caya tur siman den e area di Schelpstraat y despues na Rancho. Tur diasabra e obra comunitario ta continua den e area di Rancho y algun biaha pa luna tambe den Village, San Nicolas.

 

E soño di tin un Centro di Rehabilitacion nunca a laga Sra. Malmberg, apesar cu ora Sr. Richards, a bay biba na Boneiro y kende awe ta Pastoria Baranka di Restorashon na Boneiro, e trabounan di Stichting Speransa Nobo a para.

 

Asina Sra. Malmberg a dicidi di cuminsa un Fundacion nobo yama HopeAruba Fundacion Restauracion cu e vision pa awor si establece e Centro.  Atravez di e Director di Teen Challenge Aruba, Sr. Freddy Biesum, kende tin mas cu 15 aña trahando den e comunidad Arubano, a logra firma un acuerdo cu Global Teen Challenge pa Cas Speransa Nobo su programa wordo maneha door di e organisacion mundial aki, cu mas di 50 aña di experiencia riba e tereno aki. Su Directornan Ehecutivo ta Shawn y Shanon Blankenship lo maneha Cas Speransa Nobo y tin e tarea inicial pa ekipa lidernan Arubiano pa continua cu e obra.

 

 

Directornan Ehecutivo Cas Speransa Nobo: Shawn y Shanon Blankenship 


Riba e mainta aki, Sra. Sharon Frankel, Managing Director Aruba Bank tambe a comparti Aruba Bank su motibo pa ta partner di e proyecto. “Pa nos di Aruba Bank ta un placer pa para aki y dirigi nos mes na un momento asina importante y special den e historia di Cas Speransa Nobo. Siendo e unico banco cu ta carga banco nomber di nos pais pa mas di 90 aña y ta para cla pa duna bek na comunidad pa forma parti di proyectonan util pa duna bek na nos comunidad. Nos ta un honor pasobra nos no kier ta solamente para banda di e problema, pero nos tambe banda di e solucion,” Managing Director di Aruba Bank, Sra. Sharon Frankel a bisa.

 

Sharon Frankel, Managing Director Aruba Bank

 

Sra. Frankel a sigui bisa cu nan di Aruba Bank ta sinti honra di por inverti den e proyecto, subrayando su uzo di e palabra ‘inverti’ enbes di ‘sponser,’ ya cu e palabra ‘inverti’ ta liga cu ‘compromiso.’ “Ora bo inverti bo ta haci’e cu compromiso pa yega final di e proyecto. Nos ta mira Cas Speransa Nobo como un partner pa nos esfuersonan social pa comunidad.”

 

Presente na e occasion tawata Minister di Husticia, Sr. Arthur Dowers, Miembronan di Parlamento, Sr. Donny Rasmijn, Sr. Marlon Sneek como tambe ex-Minister Sr. Otmar Oduber.

 

Trabou colaborativo

Den nan esfuerso pa traha den colaboracion estrecho cu otro instancianan existente cu ta trahando den e trabou di rehabilitacion riba nos isla, Directiva di Cas Speransa Nobo a invita tur organisacion cu ta labora den e trabou aki, un siman prome pa asina inicia un relacion colaborativo. Nan a comparti un atardi ameno di experiencianan adkeri atravez di e añanan y tur a haya un recotido den e centro.

 

Francisco Celaire, FMAA Fundacion Maneho di Addiccion na Aruba

 

D - R  Gino Frans, Director di Cas Eliezer y Freddy en Carmencita Biesum,

Directornan di Teen Challenge Aruba

 

Pa mas informacion por tuma contacto cu Cas Speransa Nobo via nan Web-site: www.cassperansa.org of door di yama 5879008. Cas Speransa Nobo ta situa na Alto Vista # 52, Noord, Aruba.