Additional links:
 

Register for an Area of Success


Contact us

Donate

Social projects HopeAruba:
 

Cas Speransa Nobo

Goshen Aruba

Social Inspiration LAB

Connect with HopeAruba

  • YouTube Social  Icon
HopeAruba Movement | E: info@hopearuba.org | T: 297 5828787 | M: 297 5949052 | www.hopearuba.org  
© 2017 -  2019 HopeAruba Movement 
Please reload

Recent Posts

Apertura "Cas Speransa Nobo"

June 23, 2017

1/1
Please reload

Featured Posts

Fundadora, Sra. Lisette Malmberg: E vision tras di HopeAruba – E Movemento

July 11, 2017

Pa algun simannan caba por a tuma nota riba rednan social un movemento cu ta hiba e nomber, HopeAruba. Uno, cu a genera hopi expectativa den nos comunidad. Ta trata di un plataforma civico pa trece cambio riba nos isla, cubriendo areanan di prosperidad manera, e area relacional, fisico, mental/emotional, spiritual y financiero.

 

E plataforma no ta un partido politico pero ta un movemento cu su enforke ta uno di colaboracion di ciudadanonan biba riba nos isla por medio di sinergia civico unda finalmente lo busca un formacion colectivo pa e rumbo cu mas ta beneficia nos pais.

 

Dialuna anochi su Fundadora, Sra. Lisette M. Malmberg a bay “LIVE” via nan pagina di Facebook y aki a comparti su vision y motibo tras di e movemento.

 

 

“No ta solamente cada 4 aña ora di eleccion nos mester laga nos bos resona, e mester resona tur dia den cada area unda nos ta. Si nos crea un plataforma caminda hendenan ta sinti nan mes sigur cu nan por participa, duna nan ideanan caminda nan strategianan ta bon bini, mi ta kere cu nos por crea algo diferente. Semper den historia di mundo ora cambionan social pa igualdad a tuma luga, tawatin un grupo di hende cu a bini hunto y a bisa; ‘nos mester trece e cambio.”

 

“Nos pais a prospera den hopi sentido, pero desafortunadamente, nos ta mas pober cu nunca tambe. Tin mas retonan social, divisionnan, divorcio, muchanan cu ta bayendo scol y cu ta drumi anochi cu hamber. Nos debenan nacional, nos debenan personal, tur e cosnan aki ta hoga nos potencial, nos bos. Sin cu nos ripara, nos nacion ta bayendo den un rumbo. Esaki ta e rumbo cu ta bay hiba nos na prosperidad? Nos tur tin un bos. Pesey un plataforma civico.”

 

Ta trata di un grupo di visionarionan cu a bini hunto cu a dicidi di actua como ciudadanonan. Ciudadanonan cu no tin un cargo politico. Entre nan, tin doñonan di negoshi, economista, docter, lidernan di hogar. “Nos a bini hunto y a defini cu prosperidad ta den 5 area: Relacional, Fisico, Emocional/Mental, Spiritual y Financiero. Den e 5 areanan aki nos lo desaroya iniciativanan cu lo hiba e pais aki dilanti. E exito lo wordo midi riba un base Individual, den nos Famia, nos Comunidad, nos Nacion y nos Balornan.”

 

“Awe, nos tin cu lanta den un diferente plataforma. Nos no por sigui haci e mesun cosnan cu semper nos a haci. Nos mester bin cu solucionnan,” Sra. Malmberg a bisa.

E palabra HOPE cu ta un acronimo di e palabranan Honor, Oportunidad, Productividad y Excelencia, ta trata di ciudadanonan honorabel cu ta haci bon y ta productivo na e beneficio di otronan, nos nacion y ta haci esaki cu excelencia. E plataforma no ta uno politico.

 

Sra. Malmberg tambe ta e motor tras di centro di rehabilitacion Cas Speransa Nobo cu recientemente a habri su portanan na Alto Vista. Un vision cu a nace mas di 20 aña atras, unda atraves di e añanan a inicia un obra comunitario unda un grupo di boluntarionan ta prepara cuminda y bay alimenta adictonan ambulante den becindario di Rancho tur diasabra y algun siman di luna tambe na Village, San Nicolas.

 

 

 

Awor Cas Speransa Nobo a bira un realidad hunto cu partnernan, Global Teen Challenge, Teen Challenge Aruba como tambe Aruba Bank kendenan a uni den e lucha contra adiccion riba nos isla.

Share on Facebook
Share on Twitter
Please reload

Follow Us
Please reload

Search By Tags
Please reload

Archive