Additional links:
 

Register for an Area of Success


Contact us

Donate

Social projects HopeAruba:
 

Cas Speransa Nobo

Goshen Aruba

Social Inspiration LAB

Connect with HopeAruba

  • YouTube Social  Icon
HopeAruba Movement | E: info@hopearuba.org | T: 297 5828787 | M: 297 5949052 | www.hopearuba.org  
© 2017 -  2019 HopeAruba Movement 

FAMIA

Famianan ta sano y completo.


Si nos ta pasiona pa crea un miho destino pa nos nacion, nos mester ta pasiona tambe pa sigura cu famianan ta sano – fuerte, stabiel, y completo – cada miembro ta conta y ta cuida. Añadi bo bos na locual e kemen pa famianan ta sano y completo.

Famia - Famianan ta sano y completo

Famian ta e fundeshi di e structura di un nacion, su lijm, su herencia. Sin e experiencia di ta un miembro di un famia fuerte, nos identidad ta afecta, y ta duro pa identifica ken nos ta, unda nos ta pertenece, y si nos ta di importancia pa un otro. Aunke cu famian nunca ta perfecto, famia ta importante, nan ta e sosten di un nacion. Nos mester di famianan fuerte y sano, completo, pa asina nos yiunan por cumpli cu nan potencial maximo.

Con H.O.P.E. lo mustra

Pa nos Famianan
 

Un Aruba caminda famianan:

  • Ta posee standardnan y balornan halto.

  • Ta saludabel y completo, p.e., ta bon mayordomonan di un hogar caminda e mayornan ta presente y caminda hamber, alcohol, droga, adulterio, pornografia, y abuso/maltrato di hende muhe y mucha ta ausente.

  • Matrimonionan ta feliz y fuerte.

  • Ta lanta yiunan fuerte y saludabel.

  • Ta forma lasonan/relacionnan fuerte y ta sostene/apoya otro emocionalmente.

  • Ta participa hunto den deportenan, arte, musica, y otro actividadnan sano.

  • Ta educa riba e topico di finansa, e finansa di nan hogar ta stabiel, y nan no ta biba den pobresa.

  • Ta inverti den nan futuro fisicamente, educacionalmente, financieramente, y di otro manera.

  • Ta participantenan activo den e encurashamento y ayudo di otro famianan.

Quilin Arends
Coordinador di Exito, HopeAruba - E Movemento
Area di Exito: FAMIA

Quilin Arends-Maduro a nace dia 22 di januari, 1968, na Hospital di Lago na San Nicolas, Aruba. E tawata e di dos yiu di e tres yiunan di su mama y su tata. El a crece den un famia cu retonan financiero y cu hopi violencia.  Su tata a fayece na un edad hoben y su mama a traha hopi duro pa percura cu tur tres di su yiunan por a bay studia afo. Quilin a desaroya un fe fuerte den Dios desde cu e tawatin 8 aña. El a haya hopi encurashamento di su famia y bisiñanan pa e sigui su estudio. Su tata di criansa, Niki, cu kende su mama a haya su di cuater yiu, Jesseline, tawata un tremendo sosten pe ora su mama a casa atrobe.

 

Na e edad di 18 aña, Quilin a bay studia Economia di Negoshi na Hulanda. Na 1990, el a bin bek Aruba y a traha pa mas cu 11 aña den e sector bancario. Na 1993, el a casa cu Randolph Arends, cu kende e tin tres yiu: Hannah, Jerahmy, y Jean-Pierre. E yiunan aki tawata e motibo di e cambio

cu el a haci den su carera na 2001, ora el a bay traha na Colegio EPI pa asina e por tin mas tempo pa dedica na nan. Despues cu el a termina su estudio afo, el a traha pa shete aña tambe como maestra di Maneho di Organisacion y Economia na Colegio Arubano. Y na 2013, el a sinti e yamada pa bay sirbi como Directora di Stichting Casa Cuna Progreso.

Randy y Quilin ta hopi activo den e comunidad di San Nicolas y Savaneta, caminda nan tin un yamada special pa traha cu e muchanan di e bario, y caminda nan ta pastoria un iglesia hunto.

Conoce mas di Quilin Arends den "A look at Myself" Series aki.

"A look at  Myself" series

- INTRODUCTION CHAMPIONS OF AN AREA OF SUCCESS -

Show More

.