Additional links:
 

Register for an Area of Success


Contact us

Donate

Social projects HopeAruba:
 

Cas Speransa Nobo

Goshen Aruba

Social Inspiration LAB

Connect with HopeAruba

  • YouTube Social  Icon
HopeAruba Movement | E: info@hopearuba.org | T: 297 5828787 | M: 297 5949052 | www.hopearuba.org  
© 2017 -  2019 HopeAruba Movement 

COMUNIDAD

Comunidadnan ta comprometi y uni.

Hunto nos lo construi un nacion cu ta prospero, sinembargo, nos no por construi un nacion prospero sin comunidadnan cu ta comprometi y uni – comprometi na e bienestar di e nacion y un na otro y uni den un enlace comun – nos tur ta yiunan di e isla aki. Añadi bo bos na locual e kemen pa comunidadnan ta comprometi y uni.

Comunidad - Comunidadnan ta comprometi y uni

Comunidadnan di individuonan y famianan, uni door di nan forsa, nan ser unico, libertad pa expresa, balornan comparti y un sentido di responsabilidad pa e bienestar di otronan

Kico e ta significa pa ta parti di un comunidad? Nos ta biba den un mundo cu ta trata hende manera consumidornan. Nos ta consumi, hala rosea, nos ta bebe awa, nos ta cumpra cosnan, nos ta djis consumi… ora esaki ta e manera cu nos ta custumbra di biba, sea nos ta biba pa consumi mas, of nos ta kere cu otronan ta responsabel pa duna nos loke nos tin mester. Niun di dos ta corecto. Pa ta un ciudadano, un persona cu ta compronde cu pa biba den un nacion, comunidad, ciudad of bario ta un privilegio y nan por haci un diferencia den e luga ey pa medio di nan presencia, nan amor, nan compromiso of nan donnan y talentonan. Añadi bo bos y color unico na bo comunidad – hacie uno special simplemente pasobra ABO ta special.

Con H.O.P.E. lo mustra

Pa nos comunidadnan
 

Un Aruba caminda comunidadnan:

  • Ta activamente involucra den crea nan futuro.

  • Tin acceso na energia/coriente/electricidad pagabel.

  • Ta auto-sostenibel, ta produci nan mesun recursonan y no ta dependiente di fuentenan di afo, p.e., consumo responsabel. 

  • Ta participantenan activo den un economia cu ta provee pa tur nan necesidadnan.

  • Ta comprometi y uni, p.e., ta reuni como uno y ta contribui na e futuronan yena cu speransa di individuonan y famianan.

  • Ta involucra den cooperativismo (empresanan di propiedad conhunto y democraticamente controla cu ta ancra den e balornan di auto-ayudo, responsabilidad propio, sostenebilidad, igualdad, democracia, y solidaridad).

  • Caminda hende, y no solamente e ganashi, ta na e centro di un actividad economico di un cooperativa.

  • Ta busca oportunidadnan caminda e comunidad por bini hunto y participa den e construccion di nan futuro, p.e., actividadnan di agricultura, reserva di alimento.

  • Ta participa den e asuntonan cu ta mas importante pa nan.

  • Ta celebra nan ser unico, mientras nan ta acepta otronan como igualmente special.

GIOVANNI & SUZY KOCK - CROES
Coordinadornan, HopeAruba - E Movemento
Area di Exito
: COMUNIDAD

Giovanni Fernando Kock y Anna Susana (Suzy) Kock - Croes ta coordinadornan di e Area di Exito, Community. Ambos Giovanni y Suzy a nace y lanta na Aruba y ta casa pa 25 aña.
 

Giovanni Kock, despues di a completa su estudio secundario na Aruba, a bay Costa Rica caminda el a completa su estudio universitario den Administracion di Negoshi cu un enfasis ariba Cooperativismo. Banda di su trabou, Giovanni tawata envolvi den Directivanan di diferente organisacion, entre otro CEDE Aruba, SKOA, SEPB y Aruba Lions Club.
 

Suzy  Kock, despues di su scol secundario, a join e mercado laboral. Na aña 2000, el a sigui su curason, a bolbe scol pa studia y a bira un Trahador Social. Despues di a completa su estudio, Suzy a cuminsa traha como Trahado Social na un compania, cual trabou e ta 

eherciendo desde 2004. Desde 1996, nan a yama bon bini na un mucha muhe di 5 aña den nan famia, kende desde e tempo ey ta forma parti integral di nan bida. Na aña 2014, e famia a exende cu un bunita prinses. Como famia, nan ta gusta biaha y pasa tempo hunto cu famianan y amistadnan.

Conoce mas di Giovanni y Suzy Kock-Croes den "A look at Myself" Series aki.

"A look at  Myself" series

- INTRODUCTION CHAMPIONS OF AN AREA OF SUCCESS -